Texts of some dashAvatAra rAgamAlikAs

1. mAdhavO mAm pAtu
shrI muttusvAmi dIkSita viracitA

tALam: rUpakam

nATa

mAdhavo mA.m pAtu matsyAvatAro |
vedasteyaduSTaharo vedAdirakSaNaH || 1||

gauLa

govinda.m namAmyaha.m guruguhanuta kUrmAvatAram |
devarAjAdi pUjita.m divyAm.rtapradam || 2 ||

shrI

shrIdhareNa rakSito.aha.m bhUmipAlasUkareNa |
hitadevopakAreNa hayAsurahati nipuNena || 3 ||

Arabhi

narasi.mhAya namaste prahLAdaprArthitAya |
hiraNyaprANaharAya harihayAdi vanditAya || 4 ||

varALi

vAmanAt anya.m jAne.aha.m navavararUpiNaH |
shukrabalirAjAdi shrutij~nAna prabhodhini || 5 ||

kedAram

parashurAmasya dAso.aha.m sItApati.m sharaNAgatasya |
kSatriyakulabhIkarasya jamadagni .rSiputrasya || 6 ||

vasanta

rAmacandrasvAmini bhakti.m karomi |
dasharathasukumArAtmani dashavadana bha~njanAtmani || 7 ||

suraTi

balarAma mA.m kalaya bhogIshAdisodara |
muraLIgAnAnanda mukundAdi sadAlola || 8 ||

saurASTram

shrIk.rSNa.m bhajare citta shrIrukmiNIpatim |
shishupAlaka.msAdihara.m pANDavAdirakSitavaram || 9 ||

madhyamAvati

kaliyugavara veN^kaTesha.m kalashamukhahatasuresham |
alamelumaN^gesha.m acyutAdi bhaje.ahamanisham || 10 ||

2. dashAvatAra rAgamAlikA

(kamalajAsya h.rta)

svAti tirunAL mahArAjA viracitA

tALam: Adi

mohanam

kamalajAsyah.rtanigamarAshihayagrIva-
damana mInasharIra mAmavodAra || 1 ||

bilahari

dh.rtamandarabhUdhara divyakUrmarUpa
pItasudhAmoditavibudhajAta || 2||

dhanyAshi

ghorahiraNyAkSa dAraNasUkarA-
kAra vasudhAdhAra jagadAdhAra || 3 ||

sAraN^ga

prahLAdAvanopAttapratibhayan.rhare
prahLAditasajjana daityanidhana || 4 ||

madhyamAvati

kalitavAmanarUpa khaNDitoddhatamahA-
baligarvajAla suguNapAla || 5 ||

aThANA

kSitidhArakuThAraka ra~njitabAho harA-
dhItAmitashAstraripubhIma bhArgavarAma || 6 ||

nATTakkura~nji

manukulatilaka va~ncanaparadashakaNTha-
ghanavAta raghuvIra saMgaradhIra || 7 ||

darbAr

sIrasamAk.rSTa sArahAstinapura
ghorapralambahara baladeva shUra || 8 ||

Anandabhairavi

nandanIyatamab.rndAvanaracita-
kundasAyakalIla bAlagopAla || 9 ||

saurASTram

kaliyugAnta bhAvi kalkirupa sajala-
jaladAbhanijashobha paN^kajanAbha || 10 ||

3. gItagOvindam aSTapadi gItam

praLaya payOdhi jalE
shrI jayadeva kavi viracitA

pralayapayodhijale dh.rtavAnasi vedam |
vihitavahitra caritramakhedam ||
keshava dh.rtamInasharIra jaya jagadIsha hare || 1 ||

kSitirativipulatare tava tiSThati p.rSThe |
dharaNidharaNakiNa cakragariSThe ||
keshava dh.rtakacchaparUpa jaya jagadIsha hare || 2 ||

vasati dashanashikhare dharaNI tava lagnA |
shashini kaLaN^kakaleva nimagnA ||
keshava dh.rtasUkararUpa jaya jagadIsha hare || 3 ||

tava karakamalavare nakhamadbhutash.rN^gam |
dalitahiraNyakashiputanubh.rN^gam ||
keshava dh.rtanaraharirUpa jaya jagadIsha hare || 4 ||

chalayasi vikramaNe balimadbhutavAmana |
padanakhanIrajanitajanapAvana ||
keshava dh.rtavAmanarUpa jaya jagadIsha hare || 5 ||

kSatriyarudhiramaye jagadapagatapApam |
snapayasi payasi shamitabhavatApam ||
keshava dh.rtabh.rgupatirUpa jaya jagadIsha hare || 6 ||

vitarasi dikSu raNe dikpatikamanIyam |
dashamukhamaulibaliM ramaNIyam ||
keshava dh.rtarAmasharIra jaya jagadIsha hare || 7 ||

vahasi vapuSi vishade vasanaM jaladAbham |
halahatibhItimilitayamunAbham||
keshava dh.rtahaladhararUpa jaya jagadIsha hare || 8 ||

nindasi yaj~navidherahaha shrutijAtam |
sadayah.rdayadarshitapashughAtam ||
keshava dh.rtabuddhasharIra jaya jagadIsha hare || 9 ||

mLecchanivahanidhane kalayasi karavAlam |
dhUmaketumiva kimapi karAlam ||
keshava dh.rtakalkisharIra jaya jagadIsha hare || 10 ||

shrIjayadevakaveridamuditamudAram |
sh.rNu sukhadaM shubhadaM bhavasAram ||
keshava dh.rtadashavidharUpa jaya jagadIsha hare || 11||

Questions or comments? Send us E-mail.
Copyright: Srishti's Carnatica Private Limited